Non se rexistraron danos persoais, pero o fume propagouse por toda a casa e tivo que ser precintada polas forzas da orde.
Ás 2:30 horas desta madrugada, un particular informou ao 112 Galicia de que saía fume pola porta dunha vivenda situada na rúa do Cordieiro. Desde un primeiro momento confirmaba que non había ninguén no interior.
Os bombeiros presentáronse rapidamente no punto para controlar as lapas, que conseguiron extinguir pasadas as 3:30 horas.
Desde o 112 Galicia alertouse a Urxencias Sanitarias de Galicia-061 de modo preventivo, aos Bombeiros de Ribeira e aos axentes da Policía Nacional e Local.
