DAGA do Barbanza, representación na nosa comarca da Asociación Galega de Apicultura, vai organizar este inverno unha nova actividade formativa relacionada co coidado das abellas e coa recolección do mel. Trátase dun curso de iniciación á apicultura no que se familiarizará ás persoas participantes nos primeiros pasos desta práctica: conceptos básicos, manexos, coñecer colmeas, etc.
Na actividade tamén se inclúe unha visita ao apiario de DAGA do Barbanza (se as condicións climáticas o permiten). O curso desenvolverase na Pobra do Caramiñal o vindeiro 9 de marzo a partir das 10.00 horas (e até as 19.30 horas aproximadamente). Terá un custe de só 5 euros para os socios da AGA, e de 15 para os non socios. Máis información no teléfono 609 831 755 ou na conta de correo dagabarbanza@elmuelle.es. Será preciso levar traxe de apicultura e luvas.
