O Concello de Rianxo, a través da Área de Cultura municipal, compartiu a axenda de actividades programadas polo dito departamento, en colaboración con outras entidades locais e comarcais (por exemplo a Asociación Barbantia ou o Museo do Gravado de Artes, en Ribeira), no marco dos Actos Castelao 2024, que conmemoran novamente o legado artístico, humano, cultural e político do ilustre rianxeiro, Alfonso Daniel Rodríguez Castelao.
–MÉRCORES 17/01/24, 12.30, CENTRO SOCIOCULTURAL-AUDITORIO DE RIANXO (sala de exposicións)
EXPOSICIÓN: apertura da mostra do XVII Premio Jesús Núñez de Gravado da Deputación da Coruña.
–VENRES 19/01/24, 20.30, CENTRO SOCIOCULTURAL-AUDITORIO DE RIANXO (salón de actos, 1º andar)
RELATORIO: Castelao artista gráfico, a cargo de Xoán Pastor Rodríguez Santamaría, director do Museo de Artes do Gravado á Estampa Dixital; acompañado por Julio Alcalde, Concelleiro de Educación e Cultura do Concello de Rianxo.
.SÁBADO 20/01/24, 20.30, CENTRO SOCIOCULTURAL-AUDITORIO DE RIANXO (salón de actos, 1º andar)
CHARLA COLOQUIO: Castelao na prensa, a cargo de Miguel Anxo Seixas, Presidente da Fundación Castelao; acompañado por Julián Bustelo, Alcalde do Concello de Rianxo e intervención musical de Noelia Gómez e Rui Grenha musicando textos de Cousas de Castelao.
–VENRES 26/01/24, 20.30, CENTRO SOCIOCULTURAL-AUDITORIO DE RIANXO (sala Arcos Moldes)
LIBROS: presentación de O libro secreto da filosofía de José Carou Rey, coas intervencións da ilustradora da obra, Sara Valcárcel; a profesora e tradutora Margarita Fernández Gómez; o escritor e membro de Barbantia, X. Ricardo Losada; o Director de Producións da Editorial Galaxia,, Xesús Domínguez; o Concelleiro de Educación e Cultura do Concello de Rianxo, Julio Alcalde e o propio autor.
Intervención artística e coloquio a cargo de Miguel Mosquera. Apertura e peche musical a cargo de Tano Domínguez (piano) da Escola de Música de Rianxo.
–SÁBADO 27/01/24, 12.00, PASEO DA RIBEIRA (busto de Castelao)
OFRENDA FLORAL: Intervención de autoridades. Acompañamento musical a cargo de Río de Anxo.
–DO MÉRCORES 17/01/24 AO XOVES 15/02/2024, 20.30, CENTRO SOCIOCULTURAL-AUDITORIO DE RIANXO (sala de exposicións)
EXPOSICIÓN: XVII Premio Jesús Núñez de Gravado da Deputación da Coruña
Organizados polo Concello de Rianxo xunto coa colaboración da Deputación da Coruña, o Museo da Artes do Gravado á Estampa Dixital do Concello de Ribeira, a Asociación Barbantia, a Fundación Castelao, a Escola de Música de Rianxo, a Editorial Galaxia e La Voz de Galicia.
Máis información no sitio web do Concello de Rianxo,
