A Xunta coordina cos concellos afectados e a empresa armadora a retirada dos pellets plásticos vertidos por un buque mercante en Portugal

04 Xaneiro 2024

Volven aparecer nas costas galegas grandes cantidades de pellets plásticos
Nos areais das Rías Baixas e na ría de Muros e Noia levan aparecendo, desde o 13 de decembro, “grandes cantidades” de pellets plásticos, en bolsas de ao redor de 25 quilos, co nome dunha empresa con sede en Polonia.

Tal como informamos en “obarbanza.gal” o pasado 8 de decembro o buque mercante Tocano, mentres navegaba en augas portuguesas, perdeu varios contedores que formaban parte da súa carga, un dos cales contiña pellets plásticos, o que foi notificado o CCS Finisterre e posteriormente á Dirección de Costas e á Delegación do Goberno. Nas últimas semanas, e froito de ese suceso e dos efectos das correntes mariñas, foron notificándose a presenza de pellets plásticos en varios areais, principalmente na área que comprende entre Corrubedo e Porto do Son.

Desde a Consellería do Mar se está a traballar na detección e seguimento da aparición destes materiais para a súa posterior retirada ou limpeza por parte das administracións competentes. Nesa liña, Gardacostas de Galicia mantén a vixilancia no litoral para detectar a chegada destes materiais. Sen embargo, e ata o momento non foron notificados avistamentos destes materiais no mar debido a que, polas súas características non se atopan na superficie polo que non é posible a súa retirada por medios marítimos tendo que realizarse unha vez que estes plásticos chegan á costa. Por ese motivo se solicita á cidadanía que notifique a aparición destes materiais ao 112 para acometer os traballos de retirada e limpeza dunha forma áxil e eficaz.

O departamento autonómico explicou que sendo os concellos os competentes en realizar eses traballos de limpeza, trasladouse xa aos municipios das zonas afectadas a máxima colaboración, facilitando o protocolo co que actuar e recoller toda a información dos traballos e custos asumidos por estas administracións para que posteriormente sexan trasladados á empresa. Nese sentido compre sinalar ca Lei de Responsabilidade Ambiental sinala a obriga do responsable dun vertido de facerse cargo das medidas de prevención, evitación e reparación. Desde a empresa xa foi trasladada a súa vontade de colaborar coas administracións con medios técnicos e económicos para atallar a situación.

Outros artigos

Publicidade

Revista en papel

Opinión

“Manuel ¿para qué sirve la música?”. Manuel Dominguez III

“Manuel ¿para qué sirve la música?”. Manuel Dominguez III

Manuel ¿para qué sirve la música? ¿Te podrías imaginar un mundo, la vida sin música, podrías vivir en ese mundo? Te imaginas ir al campo, y que faltase ese cantar del Mirlo o del Jilguero, que el silencioso fuese, tal silencio que hasta faltase el ulular del viento....

“Pensando nun futuro mellor”. Luís Celeiro

“Pensando nun futuro mellor”. Luís Celeiro

“O mellor está por chegar” é unha expresión que se lle atribúe a aquel recoñecido poeta inglés,Robert Browning (1812-1889), que tantas veces reflexionou sobre o sentido da vida, o paso dotempo e a vellez das persoas e das cousas. Sobre a esperanza no futuro, que vén...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.