Convocados pola Xunta e Galicia no camposanto santiagués de Boisaca acolleu esta mañá do venres o xa tradicional acto institucional de homenaxe que todolos anos renden diversas institucións e organismos, á figura de Ramón María del Valle-Inclán e a Isaac Díaz Pardo, homenaxe celebrado ante as tumbas onde descansan os restos mortais dos insignes galegos.
No acto interviron a alcaldesa de Santiago Goretti Sanmartín e o Conselleiro de Cultura, Educación, Formación Profesional e Universidades, Román Rodríguez González.
Tamén participou unha ampla representación institucional encabezada polo alcalde da Pobra, José Carlos Vidal Suárez; a concelleira de cultura pobrense, Patricia Lojo; o director do Museo Valle-Inclán no Barbanza, decano do país, Antonio González Millán; o alcalde de Vilanova, Gonzalo Durán; Angel Varela por delegación en representación do Concello de Cambados e o ex-alcalde de Rianxo, Adolfo Muiños.
No acto participaron o director xeral de Cultura da Xunta, Anxo Manuel Lorenzo Suárez; o neto do escritor, Xaquin Del Valle-Inclán Alsina; representantes dos partidos políticos no consistorio da capital galega, e representantes do mundo académico entre eles, Xaquín Núñez Sabaris, profesor titular da Universidade de Braga, colaborador da USC e do Museo pobrense e membros do Foro Galicia-Valle-Inclán. Disculpou a súa preseza por cuestións de saúde, Santos Oujo Bello, ex-consellleiro de Industria e Turismo, promotor da Fundación Valle-Inclán no Parlamento de Galicia e Presidente do Ateneo de Ribeira.
Co gallo desta efeméride o Museo Valle-Inclán, divulgou dúas pezas destacas do seu patrimonio: o texto da folla volandeira impresa por “Nos” atribuida a Anxel Casal, convocando a todolos composteláns ao acudir o enterro de Valle-Inclán, e a imaxe da máscara vaciada no leito mortuorio polo escultor cambades, Francisco Asorey, ambalas dúas pezas orixinais do 5 de xaneiro de 1936, data do falecemento do insigne escritor.
Na súa intervención o Conselleiro de Cultura, Educación, Formación Profesional e Universidades, Román Rodríguez González, convocante da homanxe, puxo en valor a figura dos insignes galegos pola súa extraordinaria relevancia no século XX e puntualizou que neste 2024 “se cumpren nada menos que 125 anos da primeira obra de teatro de Valle-Inclán, Cenizas, drama en tres actos”. Máis alá do seu talento e traballo, Román Rodríguez destacou a fonda pegada humana que deixaron Díaz Pardo e Valle-Inclán en Galicia.
