A Asociación Coruñesa de Esclerose Múltiple (ACEM), Ambar Barbanza (con sedes en Ribeira e A Pobra) e a ONG Sénvalos contan dende este 8 de xaneiro con novos vehículos cedidos pola institución provincial.
O presidente da Deputación da Coruña, Valentín González Formoso, e a deputada de Política Social, Mar García Vidal, entregaron este luns as tres furgonetas, dúas delas adaptadas para o transporte de persoas con diversidade funcional, destinadas a outras tantas entidades sociais sen ánimo de lucro da provincia.
As entidades agradeceron o apoio da Deputación para poder contar con estes vehículos, que permiten o transporte diario dos seus usuarios e usuarias aos centros de día e centros ocupacionais nos que realizan diferentes terapias e actividades e que son especialmente importantes nas zonas rurais.
