Para conmemorar como se merece o 25 aniversario do pasamento do escritor galego Gonzalo Torrente Ballester (1910-1999), un dos narradores máis destacados da xeración de posguerra en España e que situou en Galicia algunhas das súas máis sobranceiras obras (por exemplo a triloxía de Los gozos y las sombras), a Biblioteca Municipal de Ribeira anunciou que vai ter durante todo este mes de xaneiro unha exposición bibliográfica dunha escolma das obras presentes no catálogo da Biblioteca dos narradores e narradoras da citada xeración: Ignacio Aldecoa, Camilo José Cela, Miguel Delibes, Jesús Fernández Santos, Juan Goytisolo, Carmen Kurtz, Carmen Laforet, Carmen Martín Gaite, Elena Quiroga, Rafael Sánchez Ferlosio, Ramón J. Sender e Gonzalo Torrente Ballester.
