Este martes, día 19 de decembro, O Foro Galicia e Valle-inclán organizou a presentación da segunda das súas publicacións, La España Tradicional, no Centro Internacional de Prensa de Galicia.
O principal obxectivo desta entidade sen ánimo de lucro de ámbito galego é promover e divulgar a obra de Ramón del Valle-Inclán e deste compromiso xorde La España Tradiciona», unha colección de textos literarios do autor de Tirano Banderas e Luces de Bohemia centrados nun tema de gran interese para o senlleiro escritor da Pobra do Caramiñal.
A edición presentada foi realizada por Xaquín del Valle-Inclán Alsina, neto do autor e especialista recoñecido no estudo da obra de Valle-Inclán, que ofreceu aos participantes unha síntese de datos inéditos e contrastados froito das súas investigacións.
Na presentación participou Antonio González Millán, responsábel do Museo Valle-Inclán (A Pobra do Caramiñal).
Ao remate da presentación as e os asistentes puideron disfrutar dun petisco de cortesía, celebrando así a chegada do Nadal.
O acto foi subido na súa integridade ao Youtube polo Centro Internacional de Prensa de Galicia.
