E xa!.
Finalmente, os pensionista galegos verán en 2024 como as súas pagas mensuais (máis as extraordinarias de xuño e decembro) superan -pouco, pero superan- os mil euros. Iso si: seguirán a ser do pelotón de cola, cunha suba de 44,54 euros cando os xubilados vascos terán un incremento medio na súa pensión de 64,12 euros, ou os asturianos de 62,40 e os madrileños (por exemplo) de 60,49. Pola contra, os estremeños terán un aumento de 43,75 euros.
Ese chanzo que sube a paga mensual media para superar os mil euros débese á revalorización do 3,8% das pensións contributivas (xubilación, incapacidade permanente, orfandade e viuvidade). Deste xeito a paga mensual de xubilación por termo medio superará os 1.000 euros en todas as provincias de España.
Así, a da Coruña será -como promedio- de 1.281,51 euros (46,91 máis); a de Pontevedra, 1.277 (46,78 máis); a de Lugo, 1.092,43 (39,98 de incremento) e a de Ourense, de 1.021,05 (37,38 de aumento).
O maior incremento nas pensións recae nas de viuvidade, que será dun 14% para as máis baixas.
Nen moito menos é como para botar foguetes; pero compre recoñecer que, a día de hoxe, quedan en Galicia e o resto de España numerosos traballadores con salarios inferiores aos mil euros mensuais, en moitos casos co prorrateo mensual das dúas pagas extraordinarias anuais incluídas.
Evidentemente é unha boa nova. Pero queda moito percorrido para a maioría dos pensionistas e xubilados, nomeadamente en Galicia, onde os prezos dos alugueiros, dos alimentos, a luz, o gas, etc., non permiten o máis mínimo descoido.
