“Os amantes da froita tamén están no Parlamento de Estrasburgo” – Antón Luaces

14 Decembro 2023

Cando todos sabemos no Estado español que á presidenta da Comunidade de Madrid, Isabel Ayuso, lle gusta a froita -porque ela non dixo que o presidente Sánchez fora un fillo de puta- sóubose este mércores que hai una especie de andazo no parlamentarismo

Popular que leva a algúns dos seus membros a manifestar o seu gusto pola froita. A  presidenta dos socialistas europeos na Eurocámara, Iratxe García, nunha carta enviada o mesmo día á presidenta da Eurocámara, Roberta Metsola, di que cando o presidente do Goberno español, Pedro Sánchez, se incorporaba ao Pleno de Estrasburgo, foi recibido con aplausos polas persoas presentes na bancada da Esqueda do hemiciclo, momento no que -publica o xornal madrileño elDiario.es- o eurodeputado do PP, Antonio López Istúriz, exsecretario xeral do PP europeo, referíuse aos que aplaudían como “fillos de puta”, a máis digna versión do “me gusta la fruta” coa que Ayuso xustificou un comentario seu ao respecto do “hijo de puta” que se supón foi o que dixo a teor dunha intervención na tribuna de Pedro Sánchez.  

Coida Iratxe García que o comportamento do eurodeputado popular supón unha creba do código de conduta dos europarlamentarios, polo que solicita a intervención da institución para que aplique as sancións correspondentes .

No seu relato dos feitos, Irfatxe García afirma que “durante o debate plenario sobre o balanzo da Presidencia española do Consello, mentres o presidente do Goberno de España entraba ao hemiciclo acompañado polo ministro de Asuntos Exteriores e compañeiros funcionarios, o eurodeputado do PPE López Istúriz se referiu a toda á esquerda do hemiciclo dun xeito moi difamatorio como “fillos de puta”.

Engade Iratxe García que semellante comportamento non é propio dun representante electo da democracia europea “e da nosa institución europea” senón que amais “vulnera gravemente os principios estabelecidos no Regulamento do Parlamento Europeo”. Polo tanto, solicita que o asunto se someta rapidamente á atención da Mesa do Parlamento Europeo e se aborden as medidas necesarias para frear a propagación deste tipo de comportamentos ao tempo que se estudan as sancións necesarias que deben aplicarse ao deputado.

De seguir isto así e após a seca que padeceu o campo e o posterior anegamento de grande parte das terras de labor españolas, é posible que a froita suba a prezos incribles grazas aos parlamentarios españois,

Outros artigos

“Un 28 de febreiro orfo para don Álvaro Cunqueiro”. Antón Luaces

O mércores, 28 de febreiro, van cumprirse 43 anos do pasamento en Vigo do xornalista, escritor e poeta Álvaro Patricio Cunqueiro Mora, un dos máis grandes autores da literatura galega e española do século pasado. Os seus restos fican no vello cimeterio mindoniense...

+

No son los ojos, son las miradas”. Manuel Dominguez

Pensamos, pensé, en la belleza de los ojos, hasta que un día cerca de casa, una pared me decía, ¡No, no son los ojos, son las miradas! Pensando en ello, cuánta razón, no son los ojos son las miradas, podemos ver en la película Los puentes de Madison, interpretada por...

+

“Celebrando a Rosalía de Castro”. Antía Pereira

“Celebrando a Rosalía e o seu día celebramos o que nos une, o que nos representa e o que nos move. Poucas figuras concitan ó seu redor a unanimidade que convoca Rosalía. E iso en boa medida porque ela soubo tocar as cordas, unha a unha, aínda que fose de distinto...

+

Publicidade

Revista en papel

Opinión

“Reto astrolabio”. Alberto Barciela

“Reto astrolabio”. Alberto Barciela

El mar merece respeto, aun así reclama y admite audacias, quizás motivadas por el horizonte casi infinito. El ser humano, en la búsqueda de sí mismo, de completar inquietudes y afanes, de responder a su curiosidad, acepta con gusto el reto de los nuevos rumbos,...