Proseguen en Noia as homenaxes a Os Tamara, fortemente vencellados á vila. Así, ademais do tributo ao Prudencio Romo que está programado en San Martiño, o Coliseo Noela vai acoller unha lembranza do mítico grupo galego o vindeiro 4 de xaneiro ás 18.30 horas, oficiado por La Oca Band. O tributo, celebrado baixo o epígrafe Unha noite na eira do trigo, terá unha clara vertente solidaria: a recadación acadada irá destinada ás sedes locais das organizacións humanitarias Cáritas e Cruz Vermella.
As entradas poderanse adquirir na billeteira do Coliseo nas seguintes datas:
29 de decembro de 20:00 a 21:30
2 de xaneiro de 20:00 a 21:30
3 de xaneiro de 20:00 a 21:30
Limitadas a un máximo de 4 por persoa e cun custo de 5 euros por entrada.
Contarase co patrocinio da Xunta e o Concello.
