O Concello de Rianxo, as patronais (Somos Rianxo, ARE) e a Comisión de Festas Virxe do Carme avanzaron detalles do programa de dinamización preparado de maneira conxunta para converter a vila e as parroquias en referente festivo, cultural e comercial durante as festas de Nadal. Segundo puidemos saber, as festas comezan oficialmente en Rianxo este xoves 7 de decembro co acendido de luces a partir das 20:00 horas.
Antes e despois haberá espectáculos diversos para os máis pequenos e pequenas da casa, música e lambonadas a esgalla, así como a apertura da “casa de Papa Noel”, sobre a que poderemos atopar máis información en Somos Rianxo ao longo das próximas xorandas.. O programa tamén inclúe concertos, decoracións e sorteos.
O alcalde, Julián Bustelo, xunto con representantes da Comisión de Festas Virxe Do Carme de Rianxo, da ARE Rianxo e de Somos Rianxo presentaron a programación de actividades que acompañará o acendido e que o Concello irá detallando a longo destes días nas redes sociais e na súa páxina web.
