O delegado do Goberno di que o Executivo central está comprometido coa seguridade de Ribeira

11 Decembro 2023

O delegado do Goberno, Pedro Blanco, mantivo unha reunión este luns 11 de decembro co alcalde de Ribeira, Luís Pérez Barral. No seu transcurso abordáronse temas relacionados coa seguridade no municipio. Tamén estiveron presentes a subdelegada do Goberno na Coruña, María Rivas, e o tenente alcalde, Francisco Suárez-Puerta. Pedro Blanco exemplificou en Ribeira a aposta do Goberno pola seguridade cidadá, que, segundo dixo, materializouse na construción dunha nova Comisaría (o ano pasado) e no incremento dos axentes de Policía Nacional.

No novo inmóbel, explicou, o Goberno investiu máis de 3 millóns de euros. No que respecta aos axentes, sinalou que “nos últimos tres anos, o Executivo incrementou en 13 efectivos o persoal policial na Comisaría de Ribeira”. En concreto, un inspector, catro subinspectores, un oficial e sete policías, ocupando case o 90% dos postos de traballo dispoñíbeis.

Tamén dixo que “o índice de criminalidade en Ribeira mantense constante nos últimos anos, á vez que aumentou a taxa de esclarecementos, de tal modo que, como consecuencia da profesionalidade dos corpos policiais presentes neste municipio, puidéronse resolver 21 dos 28 roubos con forza en  establecementos e 4 dos 21 roubos con forza en vivendas rexistrados, todo iso a pesar da dificultade que implica a investigación destes delitos”.

Durante a reunión, o delegado e o alcalde de Ribeira coincidiron no mantemento das liñas de colaboración entre os corpos de Policía Nacional e Local para “garantir os niveis esixidos de seguridade”.

Outros artigos

O filme documental 360 curvas proxéctase este domingo en Boiro

O Ciclo de Cine Mestre Mateo, impulsado nos concellos pola Academia Galega do Audiovisual, volveu poñer o foco en Boiro para dar coñecer ao público a rica colleita cinematográfica galega deste último ano. Sen ir máis lonxe, este domingo 18 de outubro proxectarase no...

+

Publicidade

Revista en papel

Opinión

“Juan Magán” – Xulio Xiz

“Juan Magán” – Xulio Xiz

Estes días, Merce e máis eu, mergullámonos cada día no multitudinario ambiente festeiro, disfrutamos coa venerable presencia de Celtas Cortos e ousamos asistir ao concerto de Juan Magán. Con relativo coñecemento do actual mundo musical, que navega de Camilo a India,...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.