O Concello de Rianxo puxo o seu gran de area para fomentar as compras locais nestas festas do remate do ano e dinamizar o comercio de proximidade, con todos os beneficios que isto ten para o tecido económico e social rianxeiro. Fíxoo coa campaña Este Nadal? Mellor en Rianxo.
A campaña, que se suma ás iniciativas de ARE Rianxo e Somos Rianxo, pretende fomentar o consumo nos establecementos rianxeiros durante estas datas.
Con cada compra superior a 10€ nos establecementos adheridos, tanto os Reis Magos coma Papa Noel e o Apalpador poderán obter descontos para mercar outros agasallos, gañar consumicións na hostalaría para levar mellor o traballo que teñen por diante e moitas outras sorpresas.
