O Bng de Rianxo demandará que o Plan Único da Deputación recupere proxectos suspendidos polo goberno municipal

16 Decembro 2023

O Bng de Rianxo demandará que o Plan Único da Deputación recupere proxectos suspendidos polo goberno municipal

Nun vindeiro pleno da corporación de Rianxo terá que someterse a votación o chamado Plan Único da Deputación para o ano 2024. Nesa sesión plenaria o BNG propoñerá se inclúan proxectos xa deseñados polo anterior equipo de goberno, algúns xa aprobados na Deputación, cos permisos sectoriais pertinentes e xa orzamentados.

Entre eles sinalamos a primeira fase do saneamento e abastecemento de Vilanustre en Asados, o saneamento de Tronco e o segundo proxecto para Vilas. Boa parte deles formaban parte do chamado Plan Complementario do ano 2023 que permitiría abordalos neste último trimestre de ano pero que foron aprazados a instancias do goberno actual. O BNG xa avanzara que desexaba que estes proxectos, que afondan no compromiso pola ampliación dos servizos básicos para toda a poboación dos núcleos, non se eliminasen senón que fosen redirixidos a unha nova convocatoria do antigo Plan de Obras e Servizos (POS). O voto positivo do BNG dependerá desta inclusión.

Tamén, dado que conta para este 2024 cunha cantidade de 452.359 euros inicial que podería chegar a duplicarse en sucesivas ampliacións ás que engadir algunha das cantidades non gastadas en Pos anteriores pedirá recuperar e actualizar algunha das obras como unha dotación para parques infantís, para o novo edificio de arquivo municipal ou as vivendas sociais.

Atrasos en varias licitacións que deberían estar en marcha

Tamén o grupo municipal amosa a preocupación pola non licitación de varios proxectos importantes para os que quedaron os fondos blindados no anterior mandato e que son tamén proxectos de anteriores Plans de Obras aprobados. Entre eles sinalar a primeira fase do saneamento de Vilas. Un proxecto complexo na súa tramitación que implicou unha xestión difícil até acadar o visto e prace da Axencia Galega de Infraestruturas para a instalación ao pé da autoestrada AG11 do depósito autónomo para tratar os resíduos do lugar. Dotado con 168.840 euros este proxecto non ten bombeos e favorece en caída o saneamento integral do núcleo.

Tamén estaban en liña de saída das licitacións unha nova ampliación da rede de abastecemento en Taragoña, que favorecía especialmente á zona de Fachán e Chorente entre outras. Contaba con 106.840 aprobadas,

Outras actuación previstas neste plan non licitadas son a adquisición de mobiliario para catro das vivendas sociais dos Mestres (22.983) a mellora de instalación eléctrica no edificio Liceo con vistas a unha futura instalación de ascensor ou trocos na iluminación do Paseo Marítimo para mellorala.

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.