O Auditorio de Rianxo vai ser un dos grandes centros de celebración do Nadal neste final de decembro. A axenda, segundo confirmou a Área de Cultura municipal, virá cargada de propostas de estilos variados pero todas elas marcadas polas festas sinaladas deste remate do ano.
Comeza este 9 de decembro ás 20.00 horas co Festival de Nadal da Asociación Fogo Fatuo e prosegue o da 16 ás 19.30 horas coa Mostra de Corais que organiza a Coral Abraia.
As actividades no Auditorio proseguen o 17 de decembro co Festival de Nadal de Vai de Roda, a partir das 18.00 horas.
A música volverá o 22 de decembro co Festival de Nadal da Escola de Música de Rianxo I (ás 19.30 horas), que terá unha segunda parte ao día seguinte, 23, entre as 10.00 e as 18.00 horas. A axenda remata o 29 cun concerto de Nadal da Escola de Música de Rianxo e Brincadeira (ás 20.00 horas).
