O edil de Servizos Sociais de Boiro, Raúl Treus, presentou a súa renuncia á acta na corporación do Concello de Boiro por motivos persoais, despois de case cinco anos formando parte do goberno presidido por José Ramón Romero.
O alcalde explicou que a decisión estaba programada e que tan só influíron nela motivos persoais do ata o de agora concelleiro. Sinala que nada tivo que ver a sentenza feita pública recentemente na que se desestima unha demanda do Concello contra unha extrabajadora do CIM. A dimisión de Raúl Treus farase efectiva no próximo pleno ordinario de xaneiro.
En canto ao seu sucesor, Romero manifestou que meditará co seu equipo o posible relevo á fronte das concellerías que xestiona Treus, pero que a decisión será tomada unha vez pasen as datas do Nadal.
