Ata o día 5 de xaneiro, os nenos e nenas que o desexen poderán depositar as súas cartas para Papá Noel e os Reis Magos nas caixas de correos máxicas que Correos instalou nas oficinas postais de Ribeira, Boiro e Noia.
Segundo explica a empresa pública de transportes, demais de fomentar o espírito do Nadal, esta iniciativa “tamén pretende fomentar a práctica da escritura entre os máis pequenos da casa”. Por iso nestas festas, nas oficinas da empresa con caixa de correos especial e a través de Correos Market, tamén se poderán conseguir pack máxicos que conteñen cartas para escribir os desexos, sobres especiais e adhesivos con motivos do Nadal para decoralas e que chamen a atención dos seus ilustres destinatarios.
Ademais, achegaranse selos máxicos personalizados coa figura de Papá Noel e dos Reis Gaspar, Melchor e Baltasar en todas as oficinas de Correos e en Correos Market.
