A Casa da Cultura de Boiro acolle este xoves 7 de decembro, a partir das 20.00 horas, a representación dun divertido espectáculo para público infantil (máis de 6 anos). Trátase da función Crisálida, de Caramuxo Teatro.
Crisálida é o espectáculo número 25 da compañía Caramuxo, co que celebra os seus 20 anos de traxectoria.
Con esta comedia, a agrupación quere poñer en valor a importancia do comercio tradicional nun mundo globalizado, cada vez máis dixitalizado. Crisálida é unha homenaxe a este concepto de comercio que crea convivencia e comunidade.
Unha comedia sen texto, con catro actores, que representarán doce personaxes. Un espectáculo de máscaras dirixido por Olga Margallo, gañadora de múltiples premios, Feten, Max e Premio Nacional de Teatro.
