O bo tempo (aínda que moi fresco) acompañou a nova edición 2023 da SinSon10k, a gran proba deportiva que discorre entre Portosín e Porto do Son e que este ano, en parte pola beleza da contorna pola que discorren os 10 quilómetros de percorrido, en parte polo sol que acompañou a proba este domingo, luciu espectacular. Na categoría masculina impúxose novamente Mehdi El Nabaoui (cun tempo de 30 minutos e tres segundos), que aínda tiña recente o éxito da Carreira Pedestre de Santiago. Na feminina gañou a súa compatriota Nouhaila El Gazouir (33 minutos e 35 segundos), seguida moi de preto pola pobrense Laura Santos, que foi prata, e por Natalia Castro, de Marín.
Participaron máis de 1.300 deportistas, incluído o presidente da Xunta, Alfonso Rueda, e o conselleiro de Mar, Alfonso Villares. Tamén correu, como deportista convidado polo Concello (organizador da SinSon10K) o campión do mundo de triatlón Pablo Dapena, que rematou no posto 11. Participaron tamén as sonenses Laura Vila Santos, Carla Carolina Liñares e Olalla Duro, ademais de Rubén Caamaño, Alberto García e Abel Vila, del Club Atletismo Noia.
Podemos consultar a clasificación enteira en emesports.es.
Clasificación Masculina (dez primeiros)
1-El Nabaoui, Mehdi 30:03
2-De La Fuente Gómez, David 30:10
3-Castro Varela, Anxo 30:14
4- Nasr, Bouchaib 31:10
5-García Gouto, Hugo 31:29
6- Gómez Gónzalez 31:43
7- Ramos Sambade, Víctor 31:45
8-García Picon, Lucas 31:51
9-Liste Monteagudo, Pedro 32:01
10- Carnero Rodriguez, Pablo 32:04
Clasificación Feminina (dez primeiras)
1-El Gazouir, Nouhaila 33:35
2-Santos Domínguez, Laura 33:42
3-Natalia Castro 35:08
4-Esther Rodríguez 37:25
5-Ainoa Iglesias 38:06
6-Aida Valiño 39:12
7-Elena Ojea 39:17
8-Marta Novo 39:21
9-Silvia García 39:23
10-Rebeca Mariño 39:41
