A Policía Local de Rianxo lanzou estas festas unha nova edición da súa campaña de concienciación para evitar o consumo do alcol sumado aos desprazamentos ao volante, algo moi habitual, por desgraza, nesta tempada de celebracións. A campaña (Bebiches? Ti decides quen te leva) está xa visíbel nas redes sociais, por exemplo no Facebook da Policía de Rianxo, onde podemos ver un vídeo explicativo sobre a mesma, un audiovisual en formato reel da fotografía orixinal, na praza Castelao e ante o Consistorio, coa que se iniciaron estas campañas de sensibilización contra o consumo de alcol ao volante xa hai varios anos. A iniciativa tenta evitar que haxa condutores nas estradas, e que no caso de que teñan que coller os seus vehículos, recorden que existen alternativas seguras.
