A Asociación de Empresarios da Pobra do Caramiñal lanzou a súa Campaña de Nadal, protagonizada polo gran sorteo que vai ter lugar na sede da patronal o vindeiro 13 de xaneiro, nunha sesión aberta ao público e “con moitas sorpresas”. A asociación mobilizou este ano vales de compra por un valor total de 4.000 euros. Para obter un destes premios cómpre que que fagamos as nosas compras nos establecementos adheridos, que ostentan un distintivo na entrada que así o acredita. Alí teremos que achegar os nosos datos en canto se nos fagan chegar as rifas. Os obsequios consisten nun premio de 1.000 euros, en 2 de 500 euros, en 5 premios de 200 euros, en 5 premios de 100 euros e en 10 de 50 euros.
