Rianxo vai despedir o ano con música. A Sala Arcos Moldes do Auditorio Municipal acollerá no serán do 29 de decembro, a partir das 20.00 horas, un concerto de fin de ano a cargo da Banda da Escola de Música de Rianxo e máis a agrupación de música e baile tradicionais Brincadeira. A entrada será de balde ata completar capacidade (con recollida de convites dende unha hora antes na billeteira do auditorio). O concerto de fin de ano será organizado pola Escola de Música de Rianxo coa colaboración do Grupo de baile e música tradicionais, o Concello de Rianxo e a Deputación da Coruña.
