O acordo acadado o xoves entre os partidos políticos PSOE e BNG, PSOE e Junts e PSOE e PNV -como antes PSOE e Bildu e PSOE e ERC- para permitir que o candidato socialista Pedro Sánchez, que arestora dispón de maioría absoluta no Congreso dos Deputados grazas precísamente a estes pactos, ten fronte a sí unha oposición que, non por agardada é menos chamativa. Neste caso, a da Asociación de Gardas Civís APROGC, decidida partidaria do carácter militar do instituto armado mentres a Asociación Unificada de Gardas Civís (AUGC) reivindica a desmilitarización do Corpo e que os seus axentes teñan os mesmos dereitos ca outros membros das Forzas e Corpos de Seguridade do Estado.
Precísamente a APROGC ven de publicar un comunicado no que amosa o seu rexeitamento ao que este xoves asinaron os partidos políticos PSOE e Junts para investir a Pedro Sánchez presidente do Goberno, cargo que actualmente ostenta, como é ben sabido, en funcións.
O comunicado desta asociación (APROGC) expresa que os seus membros están dispostos “a verter ata a derradeira pinga do noso sangue na defensa da soberanía e independencia de España e do seu ordenamento constitucional”.
Pola súa banda, o director xeral da Garda Civil, Leonardo Marcos González, dou orde á Xefatura de Información do Corpo -a estrutura da elite- de proceder á identificación dos membros da Asociación pro Garda Civil que difundiron este venres o devandito comunicado e, posteriormente, de proceder “á correspondente investigación interna por infraciós disciplinarias, máis tamén por se tiveran cometido un delicto”, segundo informou o xornal elDiario.es.
Para os membros do instituto armado pode haber “grave incumprimento do deber de neutralidade política e outras obrigas básicas” como integrantes da Garda Civil.
O escrito citado foi remitido á Dirección Adxunta Operativa e á Asesoría Xurídica con copia para a Xefatura de Información. Cando se identifique aos autores do comunicado, está previsto que presten declaración perante Réxime Disciplinario.
A mesma asociación APROGC expresou noutro comunicado o seu rexeitamento ao acordo acadado para a investidura de Pedro Sánchez, sinalando que “os gardas civís observamos o pacto publicitado con fonda preocupación” ao entender que “pretende valeirar de contido a misión constitucional” das Forzas de Seguridade. (A Lei de Forzas e Corpos de Seguridade do Estado contemplan a obriga dos axentes de manter a neutralidade política no exercicio das súas funcións).
Os gardas civís afirman que queren seguir a cumprir e facer cumprir a Lei, do mesmo xeito que os xuíces e maxistrados seguir a interpretar e aplicar as leis e facendo executar as sentenzas.
En APROGC pregúntanse de que valeu “tanto sacrificio durante decadas en cumprimento da nosa misión constitucional se ao remate, os nosos xefes políticos traicioan todo o sangue vertido e todo o esforzo realizado polos gardas civís, polos policías e polos xuíces e fiscais nos últimos 40 anos?” e respaldan “o compromiso e tenacidade do Poder Xudicial para manter a súa independencia”. Ofrecen o seu compromiso “en aras de garantir a igualdade ante a Lei e a súa aplicación, especialmente ante quen sistemática e arbitrariamente demostran vocación de se situar por riba -dí o mesmo xornal- de todos e a Lei.
No ano 2010 APROGC nacía como resposta interna á hexemonía naquel momento da Asociación Unificada da Garda Civil (AUGC) cuxa reivindicación marco era a desmilitarización da Garda Civil, mentres que APROGC defendía no seu ideario o carácter militar do Corpo.
