O vindeiro 11 de novembro (sábado) ás 20.00 horas a Casa da Cultura de Porto do Son vai acoller a representación da peza teatral Testosterona, de Malasombra Producións e dirixida por Xoque Carbajal. Será a partir das 20.00 horas na dita localización.
Trátase dunha obra para público adulto (de máis de 16 anos) que nos conta a historia do director dun importante medio de comunicación que debe deixar o seu posto en mans dun dos seus dous subdirectores. Unha é muller, home o outro.
Xoque Carbajal adapta neste espectáculo a obra Testosterona da escritora mexicana Sabina Berman. Trátase dunha comedia que fala da desigualdade laboral por cuestión de sexo.
A entrada é libre.
O elenco está formado por Luis Iglesia e Camila Bossa.
