O grupo municipal do BNG de Rianxo pedirá explicacións no vindeiro pleno sobre as tres axudas perdidas polo Concello neste semestre de goberno en solitario de Rianxo en Común.
En primeiro lugar por non completar supostamente, tal e como aparece no DOG deste xoves 16 a unha convocatoria de axudas a entidades locais de Galicia para o financiamento de actuacións en materia de residuos de competencia municipal, cofinanciadas polo fondo europeo relativo ao Mecanismo de recuperación e resiliencia da UE no marco do Plan de recuperación, transformación e resiliencia, financiado pola Unión Europea-NextGeneration EU.
A Dirección Xeral de Calidade Ambiental, Sostibilidade e Cambio Climático, sostén que non se enmendou por parte do Concello unha axuda destinada a melloras no Punto Limpo Municipal.
A segunda delas, segundo o BNG rianxeiro, a Dirección Xeral de Calidade Ambiental, Sostibilidade e Cambio Climático establecera a concesión de axudas a entidades locais de Galicia, para o desenvolvemento do proxecto PIMA (Plan Impulso Medio Ambiente) para a realización de accións de mitigación e adaptación ao cambio climático. Iniciados os trámites polo goberno anterior co que se acordara un proxecto para a reforma da zona exterior da Escola de Buía, a Xunta refire no DOG que o actual goberno de RC non emendou en prazo e/ou forma debida o requirido, polo que salvo recurso esta axuda vóvese perder.
En terceiro lugar segundo os nacionalistas sumase a xa coñecida axuda da Secretaria Xeral do Deporte, concedida e non iniciada, pola que deixan sen construír a pista de pádel, que preferiron ao proxecto dunha pista multideporte no Colexio Brea Segade de Taragoña.
O BNG quered que se lles dea resposta e se tomen medidas para ser máis eficaces e non seguir a perder axudas. Entre outras a que máis nos preocupa: o non inicio das obras no Pazo de Martelo. En xogo máis dun millón de euros en axuda ministerial á rehabilitación deste Ben de Interese Cultural que alberga a nosa Biblioteca. Os prazos seguen avanzando.
