Ribeira conmemora o 25N cunha instalación simbólica de dornas elaborada pola rapazada dos colexios

24 Novembro 2023


O Concello de Ribeira celebrou este venres un acto institucional na praza de España para conmemorar o Día Internacional para a Eliminación da Violencia contra as Mulleres (o 25N). No evento participaron diversas asociacións do concello e tamén a comunidade educativa. O alumnado de distintas escolas instalou nunha rede dornas en memoria de tódalas vítimas de violencia machista no ano 2023.

Posteriormente realizouse a lectura dun manifesto participativo e elaborado dende a Concellería de Igualdade, no que se reafirmou o compromiso co Pacto de Estado contra a Violencia de Xénero.

“Dende o Concello de Ribeira seguirase apostando pola educación en igualdade, pola coordinación institucional e pola atención ás mulleres vítimas da violencia de xénero”, sinalou a concelleira Veva Betanzos.

De xeito posterior á lectura do manifesto, gardouse un minuto de silencio en memoria de tódalas vítimas, e o alcalde Luís Pérez, pechou o acto recordando a importancia da visibilización e concienciación deste problema e o compromiso do Concello coa prevención da violencia contra todas as mulleres.

Outros artigos

Publicidade

Revista en papel

Opinión

“Rodar e rodar”. Carlos Moledo

“Rodar e rodar”. Carlos Moledo

Recordarán los lectores que hace apenas quince días Galicia estaba inmersa en unacaloradísimo debate socio-político planteado por múltiples formaciones políticas, algunas yacasi extintas a día de hoy, al menos hasta dentro de cuatro años. Dichos partidos políticos,...