O vindeiro 30 de novembro celebrarase unha charla informativa sobre o programa de voluntariado europeo na sede da Asociación Paideia da Escravitude, Padrón. Será ás 12.00 horas.
Este programa é totalmente gratuíto (o programa cubre a viaxe, comida, aloxamento, seguro médico, desprazamento dende o aloxamento ao proxecto). O único requisito é ter entre 18 e 30 anos de idade e residir nun país da Unión Europea
Segundo explican dende Paideia, “a través do voluntariado europeo, a mocidade poderá desfrutar dunha estadía de entre 2 a 12 meses noutro país de Europa colaborando con proxectos de diferentes temáticas que abarquen cultura, educación, medio ambiente ou colectivos vulnerábeis”.
Máis información (e inscricións) sobre o voluntariado europeo na web de Paideia.
