O Concello de Outes comezou a achegar detalles do seu programa de actividades de Nadal. En concreto, compartiu información sobre a festa da Noite Vella en Outes, que será en palabras do Goberno local, “unha cita inesquecíbel para darlle a benvida ao novo ano xuntos, con música en directo, bo ambiente e moita festa”.
A verte musical virá da man da agrupación D’Crooners Band, banda galega orixinaria de Boiro especializada en versións e tributos aos grandes clásicos do pop, rock, soul, jazz e swing das décadas dos 60 aos 90
Contarase tamén con sesión DJ, carpa climatizada e servizo de cantina.
A entrada será de balde. A festa celebrarase na praza do Bosque (Serra de Outes) a partir da 1.00 da madrugada.




