O PSdG de Rianxo presenta unha moción para modificar a xestión do Mercado Municipal

22 Novembro 2023

O PSdG de Rianxo presentou un moción para modificar a forma de xestión do mercado Municipal, como “impulso para poder reverter a situación actual de funcionamento e ocupación”. O voceiro do PSdG de Rianxo, Óscar Rial, presentou a proposta este 17 de novembro de 2023, dirixida a instar ó Goberno de Rianxo en Común a “iniciar os trámites necesarios para modificar a forma de xestión deste espazo tan necesario para Rianxo”, sinalou, lembrando que “nos últimos anos, e a pesares dos intentos de dinamizar este espazo, o Mercado Municipal de Rianxo non acaba de lograr unha ocupación adecuada para permitir que sexa un lugar de referencia para a veciñanza”. Os socialistas consideran que a localización é boa, pero “a configuración de tendas de venta en Rianxo é distinta a do resto da comarca, xa que na vila dispoñemos de bastantes tendas ( carnicerías, peixerías, panaderías, froiterías, etc, con locais propios sen pagar alugueiro, e tamén postos de venta itinerante que dan servizo ás aldeas, o que dificulta en moitos casos a ocupación dos postos que oferta esta praza de abastos”.

Na moción consideran “que debemos interferir polo tanto, no modelo de xestión, e optar por unha xestión indirecta”, tal e como se recolle no regulamento do Mercado Municipal de Abastos de Rianxo, capítulo II e artigo 4, de modalidades de prestación de servizo.

O PSdG recoñece a súa sorpresa coa reacción do grupo de Goberno (Rianxo en Común) tras achegar a proposta, “xa que despois de presentala o alcalde Julián Bustelo iniciou a exposición de que en breve farase a licitación de postos, máis vemos que estes procesos son lentos e dificultan a ocupación, polo que o apropiado sería que esa responsabilidade recaera na medida do posíbel nas asociación de comerciantes que agora mesmo hai en Rianxo”. E engaden: ” Deberíamos buscar a fórmula de que isto fora así, por operatividade, por eficiencia nos procesos, e por que dotaría tamén ás asociacións de espazo para a dinamización do noso pobo”

O PSOE lembra que Rianxo en Común, no seu punto 8 de programa, propón o seguinte:

“Medida 8. Converteremos o Mercado Municipal nun referente comercial dos produtos locais, realizando nel as melloras necesarias e potenciando a diversificacións de funcións. Á vez, buscaremos financiamento para emprazalo noutra localización”.

Consideramos que esta é unha proposta pouco acertada: conseguimos poñer a funcionar un mercado para despois cambialo, non ten sentido esta proposta, mesma situación que propoñen noutras actuación como CREAR NA VIVENDA DOS MESTRES UNHA AULA DE ESTUDO, cando xa temos unha creada e en funcionamento,, non sendo prioritario e restanto capacidade operativa a ese espazo.
Polo tanto dende este grupo Municipal creemos que é importante: Estudiar e Cambiar o un modelo de xestión a unha xestión indirecta e como lle afecatrá de forma positiva ou negativa os comercios que xa hai instalados. Establecer un período máximo de proba de funcionamento de 2 ano e facer unha revisión ANUAL, para valorar o funcionamento e iniciar mecanismos alternativos si fosen necesarios ( Buscar espazo alternativo dende o momento da cesión para avanzar en caso de non conquerir de forma favorable a proposta)
De non funcionar esta nova proposta incidiríamos en destinar este espazo a zona recreativa pechada : ocio xuvenil e parque infantil.

Outros artigos

Venres con chuvascos e baixa das temperaturas. Temporal no mar

Na xornada do venres seguimos en zona de chuvascos que veñen tras a fronte e que serán localmente treboentos e acompañados de sarabia, ó que hai que engadir a chegada dunha masa de aire polar marítima que fará que algún deses chuvascos sexan de neve, coa cota arredor...

+

Publicidade

Revista en papel

Opinión

“Reto astrolabio”. Alberto Barciela

“Reto astrolabio”. Alberto Barciela

El mar merece respeto, aun así reclama y admite audacias, quizás motivadas por el horizonte casi infinito. El ser humano, en la búsqueda de sí mismo, de completar inquietudes y afanes, de responder a su curiosidad, acepta con gusto el reto de los nuevos rumbos,...