O Partido Popular de Ribeira, a través do concelleiro Alejandro Vidal Álvarez, achegou unha moción relativa á siniestralidade da estrada DP-7307 no concello, pertencente á Deputación da Coruña.
Segundo lembra a agrupación, esta vía ten á altura do quilómetro 2 (á altura da parroquia de Castiñeiras e da praia dos Mosqueiros) un punto negro, no que se concentraron, estes dous últimos anos, dous sinistros de alto alcance en danos materiais, un deles incluso deixando dous feridos que tiveron que pasar pola UCI.
“Xa en épocas pasadas, tamén hai rexistros de outros sinistros nos que todos eles son a causa das altas velocidades as que circulan os vehículos en ámbolos dous sentidos polo tramo sinalado”, explica o PP na moción, lembrando que para este treito estaba solicitado un calmado de trafico que ía dentro dos fondos EDUSI. Este proxecto non se materializou tras esgotarse os fondos, quedando o calmado a expensas dunha modificación de crédito por parte do Estado, “a cal non se sabe si chegara en algún momento”, explica a concelleiro.
As peticións incluídas na moción son as seguntes:
• Realizar un informe policial de todos os sinistros rexistrados en dito tramo para axuntar a petición que se formule a deputación.
• Facer a petición ou o permiso pertinente a deputación para a instalación de elementos que obriguen os vehículos a moderar a velocidade en dito tramo.
