O vindeiro 11 de novembro celébrase en Rianxo unha nova homenaxe á que foi unha das máis destacadas intérpretes musicais do século XX de cantas tiveron a súa orixe no concello: Mireya Dieste, sobriña do escritor Rafael Dieste. A sexta edición do Memorial Mireya Dieste celebrarase ás 20.30 horas do vindeiro sábado na Sala Arcos Moldes do Auditorio Municipal. Organizan o Concello e a Irmandade da Música Galega.
Contarase coa presenza do compositor galego Juan Durán acompañado de Maragarita Viso, intérprete, compositoria e musicóloga galega. Proxectarase o vídeo Em conversa con Juan Durán.
O repertorio inclúe catro Fantasias sobre melodias galegas, e tres Peças sobre temas populares galegos, todas obras compostas por Juan Durán.
Mireya Dieste
Mireya Dieste, que morreu en 2015 aos cen anos, era sobriña do ilustre escritor rianxeiro Rafael Dieste, filla de Eduardo, un dos irmáns maiores do celebrado autor de A fiestra baldeira. Mireya-Magdalena, que residía en A Coruña, pasou boa parte da súa nenez en Rianxo e logo comezou un periplo polo mudo acompañada en primeira instancia polo seu pai, que era diplomático. Mireya foi unha intérprete moi destacada de piano. Render homenaxe ás súas importantes contribucións e ao seu legado é un dos grandes obxectivos do memorial rianxeiro que leva o seu nome e que chega, como dixemos, á súa quinta edición.
