O Museo do Gravado de Artes (Ribeira) acolle o vindeiro 16 de novembro a inauguración da mostra Homenaxe a Picaso. O linogravado dixital. Será ás 20.00 h na sala 0 do Museo do Gravado. A mostra ficará visíbel entre o 16 de novembro e o 16 de febreiro de 2024.
Segundo informa a dirección do Museo, esta Homenaxe a Picasso reúne as obras dos 52 artistas participantes nos 5 obradoiros de linogravado realizados entre os anos 2022 e 2023 no Museo do Gravado. Os obradoiros foron impartidos polos profesores José Fuentes Esteve, Antonio Navarro e Isabel Carralero, da Universidade de Salamanca. Aprendéronse ao alumnado as técnicas de linogravado que Pablo Picasso tiña realizado para facer as súas obras con esta disciplina, ademais doutras técnicas innovadoras impartidas no obradoiro.
Neste evento, presentarase o libro-catálogo O Linogravado dixital. Homenaxe a Pablo Picasso que inclúe unha publicación inédita titulada O gravado en relevo en Galicia. A linoleografía, de J. Daniel Buján Núñez, que amosa con exemplos de linogravados a historia desta técnica en Galicia.
