O vindeiro domingo a Sala Arcos Moldes do Auditorio de Rianxo acollerá un novo concerto-recital pertencente ao VI Ciclo de Novos Intérpretes, destinado a visualizar, reivindicar e impulsar a importante canteira rianxeira e galega en materia musical. Será unha actuación do Ensemble de Clarinetes da Escola de Música de Rianxo.
Trátase dunha actividade organizada pola EMR coa colaboración do Concello e máis da Deputación da Coruña. A actuación celebrarase o vindeiro domingo 26 de novembro ás 12.30 horas.
