A alcaldesa de Santiago, Goretti Sanmartín, e varios representantes da Corporación municipal recibiron na mañá deste mércores 8 de novembro ao arquitecto inglés afincado en Corrubedo (Ribeira), David Alan Chipperfield, Premio ConCiencia e Premio Pritzker 2023.
Tras ser recibido pola rexedora e o concelleiro de Urbanismo, Iago Lestegás, o arquitecto asinou no Libro de Honra do Concello, en presenza de varias representantes dos grupos municipais.
O arquitecto británico David Chipperfield, gañador do Premio Pritzker de Arquitectura 2023, visita Compostela no marco do programa ConCiencia da USC e do Consorcio de Santiago. Chipperfield manterá este mércores pola tarde no CGAC un encontro aberto coa cidadanía que contará coa presenza da alcaldesa de Santiago, Goretti Sanmartín.
