O Concello de Ribeira cambiará o nome da UAD e achegará 118.150,00 euros para financiar o Bono Comercio

28 Novembro 2023

A UAD de Ribeira dará un importante paso en materia de inclusión e renovación. As se fixo saber no transcurso do pleno ordinario da Corporación de Ribeira deste luns 27 de novembro, no que se procedeu á aprobación do cambio de denominación da Unidade de Atención a Drogodependentes (UAD) a Unidade de Condutas Aditivas (UCA) atendendo á proposta do concelleiro delegado de Sanidade, Juan Luis Furones Ramos. O concelleiro argumentou o cambio no perfil dos pacientes aos que presta servizo esta unidade, e “a necesaria redución da carga de estigmatización social coa que os usuarios son percibidos polos cidadáns, xa que este debe ser un dispositivo sanitario de referencia para calquera conduta aditiva e non só as drogodependencias”.

Asemade aprobouse a encomenda de xestión á Mancomunidade de Concellos Ría de Arousa Zona Norte para a realización das accións e tramitacións das licitacións recollidas na solicitude da axuda Tur-Camino2022-011; fondos europeos concedidos coa finalidade da dixitalización e mellora turística dos destinos da Mancomunidade.

O Concello de Ribeira tamén adicará un crédito extraordinario por valor de 118.150,00 euros para financiar unha nova edición do Bono Comercio Ribeira para este Nadal 2023/2024. “Temos que contribuír a que a veciñanza realice as súas compras e xestións no noso municipio” argumentou o rexedor Luís Pérez. Pola súa parte, a concelleira de Comercio, Veva Betanzos, que defendeu a proposta do Bloque Nacionalista Galego; afirmou que “a dinamización do comercio local mediante bonos é unha estratexia fundamental para impulsar o desenvolvemento económico e beneficiar o tecido comercial”.

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.