O Concello de Ribeira, a través da Xunta de Goberno, aprobou a posta en marcha dunha liña de bolsas (becas) deportistas individuais, que destacaran na súa faceta competitiva durante o ano 2022. O orzamento adicado a estas becas é de 14,000 euros, cunha contía máxima de cada bolsa de 1.000 euros. A convocatoria está aberta a tódolos deportistas nados ou empadroados no Concello de Ribeira que practiquen algún deporte federado.
“O propósito destas axudas é o de apoiar o aspecto deportivo e o educativo, xa que é esencial proporcionar aos atletas a oportunidade de equilibrar os seus compromisos académicos e deportivos”, explicou o concelleiro de Deportes Xabier Vidal.
