O Concello de Boiro adhírese á Rede Eusumo

29 Novembro 2023


O Concello de Boiro vén de adherirse á rede Eusumo para o fomento do cooperativismo e economía social, unha incorporación que forma parte das accións que o Goberno local leva a cabo para promover a creación de emprego e a inserción laboral no municipio.

O Concello explica que a Rede Eusumo é unha rede de colaboración impulsada pola Xunta de Galicia para o fomento e o desenvolvemento da economía social, e que con ela procurase o fomento do espírito emprendedor prestando apoio directo á creación e consolidación de emprego con base na economía social.

O Concello de Boiro, á vista das actuacións realizadas para o fomento e creación de emprego, do seu impacto positivo e da necesidade de incrementar a súa divulgación para que o traballo realizado chegue a un maior número de persoas, formará parte agora desta rede.

Dende o Consistorio tamén recordan o importante traballo despregado estes últimos anos pola área de Emprego en materia de ocupabilidade, acompañando ás persoas demandantes de emprego na inserción laboral e promovendo programas e cursos de formación específicos destinados a mellorar as posibilidades de acadar un posto de traballo.

Cada ano fórmanse no Centro de Formación e Viveiro de Empresas máis de 300 persoas participantes nas distintas accións que desenvolve o Concello de Boiro como son o Programa Integrado de Emprego, Obradoiro de Emprego, Accións Formativas para Desempregados…

Outros artigos

Publicidade

Revista en papel

Opinión

“Rodar e rodar”. Carlos Moledo

“Rodar e rodar”. Carlos Moledo

Recordarán los lectores que hace apenas quince días Galicia estaba inmersa en unacaloradísimo debate socio-político planteado por múltiples formaciones políticas, algunas yacasi extintas a día de hoy, al menos hasta dentro de cuatro años. Dichos partidos políticos,...