Este sábado 25 de novembro temos unha nova cita cos produtos sustentábeis da nosa comarca no Mercado Eco-Lóxico de Boiro, a partir das 10.00 horas na praza da Terceira Idade (até as 14.00 horas), a carón do Centro Social. Trátase, como lembraremos, dun mercado de produtos de proximidade e saudábeis organizado polo Foro Ecolóxico de Boiro que se celebra os segundos e cuartos sábados de mes.
Nos postos participantes poden atoparse produtos frescos de horta local e de tempada, alimentación, artesanía, e artesanía de reciclaxe.
O Mercado Eco-lóxico de Boiro desenvólvese co obxectivo de “potenciar o mercado de produtos ecolóxicos e de proximidade co obxectivo de establecer sinerxías entre este sector e os demais establecementos de hostalaría e comercio do municipio”.
