O vindeiro domingo 3 de decembro vaise celebrar a XVIII edición da Carreira Popular Mar de Boiro, o 16 Memorial Pepe Buceta. A saída será da praza de Galicia ás 10.40 horas.
Organiza o Concello de Boiro, a través da Concellería de Deportes.
A proba está incluída no calendario oficial da Federación Galega de Atletismo e forma parte do VI Circuíto de Carreiras de Barbanza Arousa e do IX Circuíto Provincial de Carreiras da Deputación da Coruña.
Consta de tres categorías distintas:
Mini e Supermini – 200 metros para idades ata os 7 anos (saída ás 10.40h da rúa Peonil)
Escolares – 2.500 metros (saída ás 11.05h da rúa Principal)
Carreira longa – 10.000 metros para categoría xeral (saída ás 11.00h da rúa Principal)
Inscricións abertas ata o xoves 1 de decembro ás 23.59 horas na web de Emesports.
