Boiro vai celebrar este sábado unha xornada micolóxica para incrementar entre a poboación o coñecemento dos cogomelos e a súa importancia ambiental.
Ademais, a actividade subministrará aos asistentes información de utilidade para axudalos a distinguir as diferentes especies dos fungos comestíbeis dos que non o son.
A xornada dará comezo ás 9.00 horas no Centro Social de Boiro, cunha conferencia de introdución á micoloxía e os seus ecosistemas a cargo de Saúl de la Peña, da Universidade de Santiago. Ás 10.00 horas está programada unha saída ao campo para a recollida e a limpeza de cogomelos. Inscricións en saul.delapena@gmail.com.
A saída de campo estenderase até as 16.00 horas aproximadamente. En caso de choiva será suspendida.
É axeitado acudir con roupa e calzado cómodo (recomendábel roupa de recambio) e carrexar cesta, navalla e pincel. Tamén levar comida para xantar no campo.
Colabora o Concello de Boiro.
