Boiro acolle este martes 21 de novembro dúas actividades formativas de gran utilidade para a veciñanza. Por unha banda, ás 17.00 horas dará comezo no Centro Social de Boiro unha charla formativa sobre a implantación da fracción de materia orgánica. Trátase dunha actividade organizada pola sociedade ambiental autonómica SOGAMA no marco da Semana Europea de Prevención de Residuos.
Ademais, o Centro Social de Boiro será o escenario este mesmo martes, a partir das 18.00 horas, dunha charla divulgativa enmarcada na nova edición de Espazo Familias que nesta ocasión leva por título Comprendendo a Adolescencia para poder exercer de Guía. Esta xornada (a primeira de tres) estará impartida por Mercedes Urbiola, pedagoga e experta no método Montessori e versará sobre o acompañamento académico. Paralelamente haberá un obradoiro para rapaces e rapazas de entre 8 e 12 anos.
