Besteiro visita o banco marisqueiro de Rianxo e reclama á Xunta axudas extraordinarias para o sector

20 Novembro 2023

O candidato socialista á presidencia da Xunta, José Ramón Gómez Besteiro, visitou este luns 20 de novembro o banco marisqueiro de Rianxo, onde reclamou á Xunta axudas extraordinarias para as mariscadoras e mariscadores da ría de Arousa afectadas pola mortalidade de bivalvos. Tamén criticou ao Goberno autonómico por “estar a outras cousas que non nos ocupan nin nos preocupan aos galegos e galegas”. Esixiu ademais un trato específico das rías como “zona marca” de Galicia, pola súa importancia a nivel produtivo para a economía de Galicia.

O responsábel socialista reclamou unha “rexeneración constante das rías con plans anuais da Xunta baseados en estudos técnicos multifuncionais que garantan o saneamento continuo destas zonas produtivas”. Tamén reclamou “un protocolo de baleirado dos encoros que están a producir a chegada masiva de auga doce aos bancos marisqueiros, provocando a mortaldade masiva”.

Así o ratificaron tanto a presidenta da Asociación de Mariscadoras a Pé de Rianxo, Arantxa Abuín, e o patrón maior, Miguel Iglesias, que confirmaron que por exemplo os bancos dos Lombos do Ulla rexistraron “salinidade cero moitos días”.

Reclamaron axilidade na tramitación administrativa por parte do Goberno galego para decretar o peche da temporada de marisqueo e que “decrete a situación catastrófica do banco marisqueiro para desbloquear a chegada das axudas das que dependen 145 familias desta zona e que teñen que agardar en torno a 4 ou 5 meses para recibir os ingresos”.

Reclamaron ademais que Augas de Galicia autorice un plan de retirada dos lodos, que “estamos pedindo e non nolo dan”, mentres os lodos “aumentan dun día para outro”, provocando a caída da produción.

Outros artigos

Terbutalina presenta este venres “Era Cabra” na Sala Malatesta

Este venres día 8 de decembro, a partires das 21 h, celebrarase en Santiago, na Sala Malatesta, unha festa con empanada, vinilos, camisetas e moito rock. Así presentan a banda muradá (de Esteiro) Terbutalina a súa posta de largo de Era Cabra en Compostela. A piques de...

+

Publicidade

Revista en papel

Opinión

“Una vida para el recuerdo”. Manuel Dominguez

“Una vida para el recuerdo”. Manuel Dominguez

Me siento plácidamente en una butaca y más que soñar me pongo a mirar atrás, muchos años atrás, años vivido en una infancia llena de necesidades, pero pletórica de imaginación. Y sin llorar me pongo a recordar, aquellos barquillos en forma de cono o planos que en...

“Facer cola”. Xulio Xiz

“Facer cola”. Xulio Xiz

A venda de lotería polo Nadal provoca colas que se ata hai pouco se formaban os días previos ao sorteo agora, igual ca todas as celebracións, se amplían de maneira que xa hai que facelas para mercar un boleto que pode facernos ricos, de paso...