Ana Rial navega pola literatura e o xornalismo na obra infantil “Carme e a serea Mariña”

04 Novembro 2023

Inculcar valores como o coidado da natureza e a importancia do hábito lector na nenez son os obxectivos fundamentais que persegue o libro Carme e a serea Mariña, de Ana Rial Maneiro, que se presentou na tarde deste venres 3 de novembro no Auditorio do Museo Valle-Inclán, coa presenza da autora, da conselleira de Cultura da Pobra, Patricia Lojo, e da vicepresidenta de Barbantia, Encarna Pego. Foi a segunda das paradas da serie de presentacións deste relato infantil trala efectuada en Palmeira, vila natal da xornalista e escritora. “Se ben con Palmeira o meu vínculo é persoal, coa Pobra é profesional, polo que tamén é moi especial para min estar aquí”, afirmou. O acto estivo amenizado pola Escola de Música da Pobra.

A obra materializouse este ano, cun proceso creativo diferenciado en dúas partes: no 2019 foi a redacción do texto e no 2022 iniciouse a fase de deseño e edición coa Editorial Cuadranta. A trama focalízase en Palmeira, se ben se pode extrapolar a calquera lugar costeiro, nun momento no que o mundo enteiro encara unha ameaza que pon en perigo a vida e o medio ambiente. A serea Mariña e Carme deseñarán un plan para combater esta situación ao mesmo tempo que se establece entre elas unha fermosa amizade. Así, mar e terra deixarán de lado as súas diferenzas para se centraren no que os une.

Durante a súa intervención, a autora referiuse á importancia do mar nesta historia, pois non queda relegado unicamente a ser escenario da acción, senón que tamén garda relación cos nomes dos personaxes, as cores empregadas, a presencia de elementos característicos das nosas contornas mariñas.

Tamén quixo introducir a súa profesión: o xornalismo. Isto constátase en que é unha realidade a existencia do denominado sétimo continente, que son varias illas de lixo, principalmente, plástico, repartidas polos distintos océanos; ademais de que as protagonistas descobren esta circunstancia a través dos medios de comunicación.

Pola súa parte, a concelleira da Cultura, Patricia Lojo, incidiu na importancia de incrementar a produción literaria destinada ás xeracións máis novas para lles achegar un catálogo amplo e variado, ademais de argumentos que lles resulten próximos, cos cales poidan establecer unha conexión que marque o inicio da súa rutina como lectores/as. Neste senso, apuntou que a Administración local pobrense é unha das entidades que convoca o Premio de Literatura Infantil Carlos Mosteiro, que xa vai pola súa sexta edición.

Tamén participou a vicepresidenta da A. C. Barbantia, Encarna Pego, quen quixo destacar a calidade do contido e do soporte do libro, ademais de explicar ante o público algúns dos aspectos máis significativos da trama coma, por exemplo, que é unha nena quen imparte unha lección de vida ás persoas adultas e non ao revés como adoita suceder.

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.