O Pazo de Goiáns (Boiro) vai ser este venres o escenario dunha presentación literaria: a presentación de 5 de Ana Lojo Chan, publicado en Europa Ediciones. Será a partir das 20.30 horas. O acto contará coa actuación da soprano Elisabet Lustres.
Ana Lojo Chan (Cabo de Cruz 1978), ademais, de escritora, é unha mestra de Inglés de Infantil e Primaria que empezou escribindo contos para os seus alumnos/as. O chimpo á poesía deuno co obxectivo de “plasmar en palabras os sentimentos de familiares e amizades; e así, a través dos versos, tentar proporcionar outra perspectiva de certas emocións; logrando con cada estrofa transmitir a importancia dos valores”.
Acerca do título do seu libro, Lojo sinala que se trata do número favorito do seu pai, ademais de ser un punto de unión entre cada un dos poemas (todos teñen cinco estrofas). A autora adianta que a obra foi concibida co obxectivo de que poida ser lida en diferentes idiomas sen necesidade de facer tradución.
