Ambar presenta en Ribeira e nas redes sociais a súa nova campaña pola accesibilidade: “Abre Paso”

28 Novembro 2023

Na mañá deste martes 28 a asociación inclusiva Ambar deu a coñecer a súa campaña Abre Paso na praza da Porta do Sol de Ribeira. Trátase dunha iniciativa creada con motivo do Día Internacional das Persoas con Diversidade Funcional, este mesmo domingo 3 de decembro. A asociación da nosa comarca Ambar presentou esta acción en Ribeira pero tamén a través das súas redes socias coa finalidade de reivindicar a accesibilidade nos espazos públicos non só de Santa Uxía, senón de todas as cidades e vilas.

Angy Devesa, integrante de Elas, grupo de artes escénicas de Ambar; Milagros Rey, presidenta de Ambar e Manu Mimé, facilitador do obradoiro de arte da asociación, explicaron os motivos os cales lles levaron a deseñar esta campaña: “Hai máis de corenta anos que loitamos pola eliminación das barreiras arquitectónicas. Nós sempre dicimos que isto non é só un problema que se presenta para as persoas que van en cadeira, hai máis persoas ás que este tipo de barreiras lles pode complicar moito o feito de andar polas súas vilas. O que pretendemos a través disto é concienciar sobre a importancia que ten abrir paso eliminando atrancos de todo tipo”, afirmou Milagros Rey, presidenta de Ambar.

O obxectivo da campaña é acadar as máximas repercusión e participación cidadá. “Eu convido a todo o mundo a participar, é moi doado e trátase de pendurar unha foto ou vídeo nas redes sociais desas zonas sen accesibilidade que nos imos atopando pola rúa, poñer o cancelo #abrepaso, etiquetando a asociacion.ambar e poñer a localización onde se atopa esa zona”, explicou Manu Mimé, engadindo que coa información que se recolla grazas a todas as persoas que colaboren en Abre Paso, pretende realizarse un mapa no que se indiquen as zonas non accesíbeis e reclamar que todas as persoas, con independencia das súas características, podan circular libremente polas súas vilas e os seus pobos.

“Hai lugares nas que as beiras non teñen ramplas e iso obrígache a andar coa cadeira de rodas pola estrada… non é plan… pode vir un coche disparado e píllanos. Eu son da Pobra e moitas veces que vou coa miña familia á compra temos que ir pola estrada e rodeando as fochancas”, segundo comentou Angy Devesa mentres relataba a súa experiencia persoal en canto ás barreiras que se atopa no seu día a día.

Dende Ambar convidan a todas as persoas que queiran a unirse ao movemento a través das redes sociais. Para máis información pode consultarse o apartado Abre Paso da páxina web da asociación.

Outros artigos

Venres con chuvascos e baixa das temperaturas. Temporal no mar

Na xornada do venres seguimos en zona de chuvascos que veñen tras a fronte e que serán localmente treboentos e acompañados de sarabia, ó que hai que engadir a chegada dunha masa de aire polar marítima que fará que algún deses chuvascos sexan de neve, coa cota arredor...

+

Publicidade

Revista en papel

Opinión

“Reto astrolabio”. Alberto Barciela

“Reto astrolabio”. Alberto Barciela

El mar merece respeto, aun así reclama y admite audacias, quizás motivadas por el horizonte casi infinito. El ser humano, en la búsqueda de sí mismo, de completar inquietudes y afanes, de responder a su curiosidad, acepta con gusto el reto de los nuevos rumbos,...