Ambar inaugura a mostra “Super Pop” no Auditorio de Rianxo

17 Novembro 2023

Este venres 17 de novembro celebrouse a inauguración, no Auditorio Municipal de Rianxo, da mostra Súper Pop, unha exposición organizada pola Asociación Ambar das Persoas con Diversidade Funcional con motivo do Día Internacional das Persoas con Diversidade Funcional en colaboración co Concello de Rianxo. A exposición permanecerá instalada ata o 12 de decembro.

Súper Pop está composta por obras de María Eugenia Reiriz Ageitos, artista con diversidade funcional e integrante do obradoiro de arte da asociación da nosa comarca Ambar. Trátase dunha escolma de obras de toda a súa traxectoria artística, as cales fan referencia ós retratos de distintos cantantes e grupos musicais. Ela mesma abriu o acto de inauguración explicando a súa obra: “O máis me gusta é retratar a artistas e ás miñas cantantes favoritas tanto españolas como internacionais”.

Tamén estivo presente o seu facilitador do obradoiro de arte, Manu Mimé, quen articipou na inauguración: “É unha gran melómana, encántalle a música… é unha persoa moi traballadora que sabe o que quere, escolle o artista que vai retratar e tamén os materias” afirmou Manu Mimé, responsábel da área de arte de Ambar.

A este acto acudiron arredor de setenta persoas e durante a xornada tamén estiveron presentes Milagros Rey, presidenta da Asociación Ambar e Ana Vidal, concelleira de Servizos Socias de Rianxo. Milagros Rey sinalou que “é un pracer estar aquí con esta exposición, toda dela, con todas as artistas que ela coñece… quería agradecerlle tamén ao Concello de Rianxo e a Ana que nos facilitou o poder estar aquí neste espazo abrindo esta exposición que nos facía moita ilusión”.

Pechou a inauguración Ana Vidal, quen comentou “para o Concello de Rianxo é un pracer contar con colectivos como a Asociación Ambar. É importante darlle visibilidade… para min especialmente é unha honra estar hoxe aquí, agradecer a María Eugenia que é unha gran artista.”

Rematou o seu discurso animando a todas as persoas a visitar Súper Pop: “Temos dispoñíbel esta exposición ata 12 de decembro e convido a todo o mundo a que veña a visitala porque a verdade vale a pena”, concluíu a concelleira.

Outros artigos

Domingo con chuvia feble e temperaturas sen cambios

Situación intermedia entre altas e baixas presións en Galicia. Deste xeito, agárdanse ceos con abundantes nubes, con chuvia feble na franxa atlántica e menos probables no norte da Coruña e nas provincias de Lugo e Ourense. As temperaturas mínimas experimentarán...

+

Colisión múltiple en Cee

Un accidente múltiple con seis turismos implicados no concello coruñés de Cee, saldouse esta tarde con unha persoa ferida. O accidente ocorreu minutos antes das 14:30 horas, na DP-2303, no quilómetro aproximado 11, ao seu paso pola parroquia de A Pereiriña. Foi un...

+

Publicidade

Revista en papel

Opinión

“Ideología, vs, pensamiento creativo”. Manuel Dominguez

“Ideología, vs, pensamiento creativo”. Manuel Dominguez

Cualquier parecido con la realidad es mera coincidencia Yo les sugiero que antes que yo hable, ellos se presenten. Uno me dice que en su juventud llegó a tener el libro rojo de Mao, fue trotskista, castrista, simpatizaba con LCR la Liga, admirador del Che, comunista,...

“O primeiro paso”. Luís Celeiro

“O primeiro paso”. Luís Celeiro

Os cregos din que o do compromiso a longo prazo e para sempre é o valor principal que outorga o casamento pola igrexa. María Mercedes da Orde, casada e divorciada varias veces, di, sen falar, sen levantar a voz, case como se escoitaramos o seu pensamento,“vaiche boa!...