A directora xeral de Persoas con Discapacidade, Begoña Abeijón, participou hoxe na presentación da Guía de Atención a Clientes para persoas xordas, xordocegas e con discapacidade auditiva de Eroski-Vegalsa. Esta guía realizouse en colaboración coa Federación de Asociacións de Persoas Xordas de Galicia (Faxpg) e conta co apoio da Xunta de Galicia.
A directora xeral destacou que iniciativas como esta porque son unha aposta decidida por unha comunicación sen barreiras e porque tenden pontes. Neste sentido, sinalou que a Xunta apoia ao 100 % este tipo de accións que xorden da necesaria colaboración entre institucións, empresas e entidades.
Ademais, Begoña Abeijón subliñou a colaboración que ao longo dos anos mantén a Xunta con Faxpg e que se traduciu na posta en marcha de moitas ferramentas para as persoas xordas, como programas de logopedia, o fomento da aprendizaxe da lingua de signos tamén entre os máis pequenos ou actividades de envellecemento activo para persoas maiores xordas.
