O pasado venres 3 de novembro, o GALP Costa Sostible realizou unha xornada de divulgación na Confraría de Pescadores San Andrés de Portosín, cuxo salón de actos viuse ateigado de profesionais do mar e cidadanía en xeral ante o interese que xeraron as presentacións de proxectos de éxito en materia de innovación pesqueira e por coñecer as novidades nas próximas convocatorias de axudas dos fondos europeos FEMPA.
Unha das expertas que interveu foi Ana Randolfe, representante do Polo de Emprendemento e Apoio ao Emprego de Coristanco, iniciativa que forma parte dunha rede que axuda para impulsar proxectos de emprendemento que teñan unha estreita vinculación co territorio, tarefa que realiza cun asesoramento continuado e adaptado ao caso concreto de cada proxecto.
Pola súa banda, Glòria Ñaco, responsábel de L’espai del Peix de Palamós (Cataluña), contou como desde a colaboración do www.museudelapesca.org a e da Confraria de Pescadors de Palamós, púxose en marcha un novo proxecto con moitas peculiaridades.
Finalmente, antes da degustación de produtos do mar, pechou as intervencións Sauro Martínez, patrón maior de Sanxenxo, pioneiro do Turismo Mariñeiro.
Na xornada tamén estivo presente o alcalde sonense, Luis Oujo.
Na sesión tamén se puxo o foco nas posibilidades que abre o programa de axudas do Fondo Europeo Marítimo, de Pesca e de Acuicultura.
GALP Costa Sostible é a entidade responsábel no territorio costeiro galego da xestión das axudas do Fondos Europeos FEMPA.
