O pasado sábado, 25 de novembro (25 N) tiña lugar o Día Internacional da Eliminación da Violencia contra a Muller, un acto que a comunidade educativa da Escola de Educación Infantil A Capela-Carreira quixo conmemorar organizando a visita da contacontos Raquel Queizás á escola, quen presentou a obra: Somos Iguais. Contos Pola Igualdade. Esta actividade organizada co propósito de transmitir unha mensaxe de respecto, igualdade e empatía tiña como obxectivo sensibilizar e concienciar sobre a importancia de erradicar a violencia de xénero en tódalas súas formas.
A dita iniciativa da EEI A Capela, xorde para desfrutar en familia e forma parte dun proxecto presentado este curso, que ten como finalidade potenciar a promoción da igualdade e a prevención da violencia de xénero.
Engadir que esta idea, presentada pola ANPA A Guía de Carreira, está financiada pola Secretaría Xeral de Igualdade con fondos do Pacto de Estado contra a Violencia de Xénero.
